Bible Chhiar chhuah na

Edenthar STP te chuan Rising Day pual in Holy bible chhiar chhuah na hun an hmang.

Blanket suk hnatlang

Dt 21 March 2015 khan Edenthar STP techuan Blanket suk hnatlang an nei

Member thawkchhuak kan tha hnem in kan hlim hle

Kan hmeichhe lam pawh an trang in, an thok nasa khawp mai

A tu te pawh in nuam kan ti ani e

SALVATION THALAI PAWL LEH KOHHRAN RAWNGBAWL NA -Tv Lalparmawia

Keini Salvation Thalai Pawl te hi, Krista leh a Kohhran tan a Rawngbawl na hrang hrang kal pui tu kan nih rual in, He Salvation Thalai Pawl hian Thil tum lian Tak tak Panga kan nei a, Chung te chu han tar lang phawt ila.
                   I . Krista Chanchintha puandarh.
              II . Midangte Rawngbawl sak

              III. Kohhran kutke ni tura Thalai te, Kaihhruai.

             IV. Thalai te khawtlang tana mi tangkai ni tura kaih hruai.

             V. Pathian ram zauh nana in hman tir.

Heng kan tarlan tak zing a Pathumna  Kohhran kutke ni tura Thalai te, Kaihhruai tih hi tun tum ah chuan lo zir bik dawn ta ila, Chung atan a, thil pawimawh hrang hrang te chu;-

1. KA TI THEI ANI : Ahmasa ber atan chuan, Keini Thalai te hian “Kati thei ani” tih tawngkam hi kan hman fo a pawimawh awm e. William Carey-a chuan, a beidawnna ruam atang leh, thihna ko tlang a din lai pawh in  “Kati thei ani” tih hi a in nghahna ani fo thin a, hetiang a hlawh tlinna na hi a tawp ah chuan alo khum ta hial reng ani. Keini pawh in Thalai Rawngbawl bik ah ani emaw, Kohhran tan a, kan ko a tla ani emaw, kan hmabak leh hma chhawp reng reng hi chu, Pathian hming in  “Kati thei ani”  ti ngam ila, a hlawhtlinna chu kan hmuh ngei arinawm. Tirhkoh Paula chuan “Min tichak tu ah chuan engkim ka thei ani” alo ti thlawt ani. He Kohhran hi “ Pathian min pek ania, a siamthat hna leh a enkawl hna chu Pathian tanpui na in ka thawk angaKati thei ani” ka tih ngam theuh a pawimawh ani..

 2. KOHHRAN NU LEH PA AIAWH TU LEH SNP TE ENTAWN LAI KAN NI :  He Kohhran CHHANDAMNA KOHHRAN hi Chhungkaw lian tak pakhat kan nia, Kohhranpui leh SHP te hi kan nu leh pa an ni a, SNP te hi kan nopang te, Chhungkaw tan a, achhia leh a tha pawh la thliar hrang thiam lem lo a, nu leh pa te thlazar hnuai a hlim tak a, la leng vel anni. Tuna kan nu leh pa te, kan Kohhran Upa te hi, tlai ni tla tur mawi tak ang hi anni. Ni tla tur pawh hi mawi in nalh hle mahse a mawi hun chhung chu a rei lo hle thung, Chelh din duh teh mah ila, khuanu remruat zawk ani si a. Chutiang ang bawk chuan tuna kan Kohhran Hruaitu te leh Upa te hian tunah mawi tak in par chhuah mah sela, nakin lawk ah chuan an kum a lo upa anga, dan rual loh in theih loh chin leh tlin loh chin nei in, mual hial an la liam dawn ani. Chutih hunah chuan Tuna STP member te hi Kohhran in nghah na leh, Kohhran hruaitu tur te chu kan ni, chuvang chuan tunah hian anmahni hnungzui tur leh kaihza veng tu tur kanni tih hria in, kan theih tawk in kohhran tan ke i pen ang u, hnah hlui alo til a, hnah thar mawi taka alo chawrno thin ang hian, kan hun alo in her chhuah ve hun ah pawh mawi tak a, par kan chhuah ve theih nan tun atang in, chawl lova tan kan lak angai ani.
                     Tin tuna kan naupang(SNP) te hi nakin lawk a, STP rawn kaihruai tu tur te anni a, kan aiawh tur te anni, Naupang chuan kaihruai tu tur leh entawn tur an mamawh ang thin ani, chumi mawhphurh na chu kan kut ah a wm ani tih hria ila, tuna STP te rawngbawlna leh kal dan hian an Nakin hun a hril tel ani tih kan hriatreng a pawimawh hle. Heng te avang hian kan mawh phurh na hi a sang hle ani.

  3. KULH VENGTU TE KAN NI : Great Wall of China, China kulh ropui hi kan hre theuh awm e, kum BC 300-na lai bawr vel a, China Emperor Chin Hawang-a sak ani, hmelma te laka an him nan leh inven nan a an sak ani. Nimahsela khatiang a kulh ropui kha nimahse hmelma ten China ram chu an la ta tho ani. Achhanchu kulh anti chim ani lo a, a vengtu sipai te in thlahdah na leh tham na avang in hmelma te kut ah a awm ta ani.
                 Keini ngei pawh hi, Pathian in, kan hruaitu te hmang in KULH chu min sak sak ta a, he kulh chhung ah hian, kan nu leh pa te leh kan naupang ho te chu thlamuang tak in an leng mek ani, he kulh hi kan hmelma pa Setana hian tih chhiat tum in a rawn bei fo va, A vengtu sipai (STP member te) te hi min hneh tum hmasak tum in, kan ban phak lawk ah, thamna te, ruihhlo leh nawmchhenna te, khawvel changkanna hmang ten min hneh hmasak phawt a tum reng ani. Hawh u, he kulh hi kan him na, ani tih hria ila, he thlemna hrang hrang hi chu hnawl in, kan Pathian leh Kohhran tan nget tak leh rinawm tak in i ding tlat ang u.


4. RAWNGBAWLNA PAWIMAWH KOHHRAN INKHAWM :  Keni Thalai te hian Kohhran huang chhung ah hian rawngbawl na pawimawh tak tak kan nei a, chung zing a pawimawh ber zing a pakhat chu Kohhran Inkhawm hi ani awm e. Kan Kohhran hian, Chawlh kar khat ah Kohhran inkhawm kan nei nual a, Chung zing ah chuan Nilai Zan inkhawm, Tawngtai inkhawm leh Pathianni Chawnu inkhawm ah te hian abik in Thalai te kan lang tam lutuk lo ni in alang. STP inkawm te leh Pathianni chawhma leh Zan inkhawm ah chuan Thalai thutna hi chu a khat mawi tawk thin, Nimahsela khing a chung a kan sawi tak, Nilai zan, Tawngtai Inkhawm zan leh Pathianni Chawhnu inkhawm te hi tlem in kan ngaihthah deuh bik niin alang. Kohhran tan a, kan rawngbawlna leh, kan tih theih pawimawh tak Pakhat chu kohhran inkhawm kan chhiar kim hi ani tih hria in, Kohhran inkhawm hi i ngai pawimawh thar leh zual ang u.

5. THAWH HONA THA LEH INLUNGRUAL NA :   Salvation Thalai Pawl hi Kan Kohhran in nghahna leh lungphum pawimawh ber chu ni chiah lo mahse la, mite mit hmuh a, kan Kohhran zia rang lanna leh Kohhran hmel timawi tu leh mite hiptu pakhat Thalai te hi kanni ti ila kan sawi sual kher lovang. Chuvang chuan kan Rawngbawl na kawng hrang hrang ah te, kan hmalakna lo awmzel tur ah, thawh ho na tha kan mamawh takzet ani. Inlungrual tak ake kan pen a, Pathian rawng kan Bawl hian, keini Thalai te chauh kan mawi ani lova, Kan kohhran pumpui amawi a, alo par chhuak thin ani, chuta tang chuan miten eitur an lo hmu thin ani tih hrian nasa leh zual in, Thawhhona tha leh in lungrualna nen ke ipen ang u.

6. PATHIAN FAKA ZAI HO NA AH :    Kohhran hlim leh lawmna lan chhuah na chu Pathian fak a zai ah hian teh ani fo thin, kan nu leh pa te hi chu Pathian faka zai hi nuam ti hle mahse, an kum alo tam tawh in an aw te alo chau hma deuh tawh thin a, Keini Thalai aw tha zawk te hian Biakin inkhawm ah emaw Kohhran lenkhawm ah emaw zai hruai tu ni a, kan nu leh pa te pawn nuam an ti anga, hlim leh lawm tak in Pathian kan fak thei anga, chuchuan Kohhran hi a chhem nung thei dawn ani tih hria in helam ah pawh hian tan kan lak a pawimawh hle ani....

                                                   TLANGKAWM NA
Awle, a tawp ber na atan chuan, Kohhran reng reng chu, Thalai awm lohna emaw, Thalai hmasawn loh na emaw, Thalai hnufual na chu Kohhran Thang duang leh Kohhran nuam tak a awm thei ngai lo ani. Thalai te hi Kohhran kut ke leh Kohhran Dawm kang tu te kan nia a, Kohhran tan a kan pawimawh na te hre thar leh ila, Pathian leh kan Kohhran tan theihtawp chhuah in tan ila thar leh sauh sauh ang u.........
                             
                                   Lalpan kan za atan malsawm rawh se

               

STP FELLOWSHIP

EdentharEdenthar STP te chuan Dt 8.32015 Chawhma inkawm ban in Fellowship hun hlimawm tak kan hmang

 He Fellowship hi, Nl Mercy Lalramhluni chuan a kaihruai a, STP Leader Tv Dominic Lalrotluanga hnen atang in Thuchah Tawi ngaihthlak niin, Tv Lalramengmawia chuan Hun tawp tawngtai na a hmang ani

STP Zan chan ve Tawngtai

Edenthar STP zan chanve  tawngtai neih ani Pathian awmpui na in kan hlim in, kan hlawk tlang hle

BUILDING BOARD DIN ANI

Kum 2015 atan Edenthar Kohhran CEC hnuai ah Building Board Din thar ani a, Heng mite hi Hruaitute anni:

Chairman : Upa R Vanlalhluna
Vice Chairman : Pu Lianzama
Secretary : Upa B Laibata
Asst Secretary :Pu Lalsangliana
Treasurer :: Pu Lalengmawia
Fin Secretary:  Upa Daniel Lalneihthanga

STP TAWNGTAI RAMCHHUAK

Stp hlim lai ni

MARTAR TEN AN THIH DAWN A AN THUSAWI

1. Lady Jane Gray Kum1554 khan Alu tan bun ani - A thihdawn darkara a thusawi chu Ka kristian pui te u Isua Krista kan tana a thihna avang ani tunah hian ka lu chu tan anih dawn. Mahse khi, Ka Serafim silhfen keng Angel Pahnih in khita khi min hmuak, rinawm takin Krista hnung lo zui rawh u.

2. Rowland Taylor Kum 1555 khan thir hrui a hmawr a bawk awma vuakhlum ani - A nupui leh fate hnenah chuan," Pathian in inpa ni turin min rawn tira tunah chuan ka haw leh a huntawh ani. Khi ram mawi leh nuam takah khian kalo han kal hmasa anga; inlo kal ve hunah hlim takin kan awmza leh dawn nia. Pathian lo lal ber rawh se in nitin nunah.

3. Lawrence Saunders, Kum1554 khan Hal hlum ani. - Thi leh tawhlo tur leh chatuan a khi hmun mawi a cheng ve tura hal hlum mek ka ni hi ka van lawm e.

4. Walter Mill Kum 1558 khan ani pawh hi hal hlum ani. - Ka sualna leh tlinlohna te min ngaidam a, chanchintha, Krista thudik puang tura kei mi tlinglo min thlang hi ka phu mawlh lo, He meipui ah hian ka awm mek a, Mahse khi a rawng ka bawl thin chuan minlo hmuak ani....thlen vat ka va chak em.

5. Tobias Steffick Ani pawh hi lum1424 khan alu tan bun ani. - Ka dam hun chhung zawngin mal min sawm a, hrehawm ka tawrh pawh phal lo a, vawiin ni a, a hnena ka chawl ve thei tur hi kava hlim em.

6. Cuthbert Symson A ni pawh hi kum1557 khan hal hlum ani. Lalpa vawiin ni a i hnena ka chawl tawh tur hi ka va lawm em, heng mi te hi Lalpa ngaidam ang che.

7. George Wishart Kum 1546 khan khai hlum ani. - He ka thihna tur hrui hrual hian ka chatuan hmun tur, van in nuam min thlen dawn ani. Lalpa i tana tuar ve thei a min siam avangin ka lawma e.

8. Jerome Russell Kum 1539 khan hal hlum ani - Ka unau duhtak te U hlauin khur mah ta che u, Min Chhandamtu Isua Krista leh a sipaiten min vengin min hruai mek ani chu Rammawi ah chuan.

9. Maximilian Hostialick Kun 1424 khan a lu tan bun ani - Ka chatuan lal lukhum tur chu khi avan ropui em, hetah ka lu antan a; mahse khita ka Lu a ka khum tur Nunna Lal lukhum khi a mawi in ava ropui em, Lalpa ka lawm e.

10.The Earl of Rugenia Kum1424 khan Lunga denhlum ani - Lalpa he ka thisen chhuak hi Chanchintha hrila a awm zel theih nan mal min sawm sak ang cheMARTAR TEN AN THIH DAWNA AN THUSAWIMARTAR TEN AN THIH DAWNA AN THUSAWI

Sunday 1st March, 2015 Editorial

                                      LALPA -A INNGHAT
     Ringtute hian, hnehna nun neih kan duh a, chutih laiin kan hneh lo fo va. Chak reng kan duh a, mahse kan chau thin. Hlim reng kan duh a, mahse lungngaiin kan kun fo si ! Thlarau zara phurna thar kan chan in. 
        Phurna min petu LALPA ah in nghat lo va, kan phurna boruak leh mimal chhungril phurna ah in nghah a awl fo. Khawi dinhmun zawkah nge kan din aw? Phurna chuan chuai hun a nei thin, chuta innghat tu chu a chuai ve chawp chilh fo.                   
       Phurna ngawt ni lo va, phurna petu LALPA a in nghat tlat tu chu, a phurna te lo chuai mah se, Harsatna karah pawh, Phur lo leh chak lem lo chung chung pawh a, LALPA tana rinawm a, fak tlat thin te chuan thlarau lam nun thuruk chu an dai thuk deuh deuh va.
           Pathian khawngaihna chu antan hnehna a nih zia hria in, LALPA lo chu chhuan tur dang an nei tawh ngai lo. Mahni chakna leh phurna maia innghat lova, Lalpa a innghat zawkin, Lalpa leh a Kohhran tan i bei hram hram ang u.

Kohhran inkhawm

Kohhran min pe LALPA KAN LAWM E

LUNNGAIH ZAN AH PATHIAN FAK IN

Krista avang in TUALZAWL ah inkhawm alo ngai ta a

Mahse chu chuan Pathian ah tluk luh na chang a hriat tir a, Pathian fak zai an rel ta zawk a...............

Lunngaihna, Manganna karah, Mittui nen Lalpa fakin, "chawimawi na zawng zawng pe ula, LALBER chu khumtir rawh u" Lalpa an chawimaw a....

Chu zan chuan Lalpa fak reng an ning lo a, An hnen a, Nung a lo thleng krista chu, BANG LO IN AN FAK TA ANI.......

Sunday 8th Feb, 2015 Editorial

                                                       IN PEIH ANG U
            “Amaherawhchu, unau te u, a hun leh ani, kawng thute reng ziaksak cheu in ngai lo ve. Lalpa ni chu, rukru ang in alo thleng dawn tih nangmahni ngeiin chiang takin in hre si a. “Muanna leh himna,” tia an sawi lai tak in hmeichhe nai vei ang in chawp leh chilh a boralna an chung ah alo thleng anga, an pumpelh tawp lovang.” tiin I Thessalonika bung 5 ah kan hmu ani.
              Kan chhehvel ah hian Chanchintha ngaihsak lemlo a kual vel mai mai te hmuh tur an tam hle mai, ringtu inti, nun a entawn tur awm silo te pawh an awm nual awm e, Lalpa lokal leh na hnaih tawh zia hi kkawvel hun tawn mek hian a hril si a,  Lalpan “buh lem leh buh twk chu lo to za rawh se” ati si a, buh lem chu buhtak zing ata thliar hran ani anga, halral ani dawn si a, kan fimkhur avan pawimawh em.
                 Puitling leh naupang pawh kan thil tih ang zel in lawmmwn kan hmu theuh dawn si a, kan nun hi bih chian a tul hle mai, Pathian hian kan nun ah zalenna a chang em? kan nitin nundan ah hian a leng awi angem? kan pathian hi thikthu chhe tak ani a, amah ai a, ngaih pawimawh dang kan neih hi a phal hauh lo ani.
            Khawvel hun hi a hmawr
tawh ani tih hria ila, Lalpa duhdan
chauh in nung ila, amah chu bel tlat ila, Pathian taek tur in inpeih reng in i awm ang u...........

KAWNG HNIH Tv Lalramengmawia Speaker - Salvation Church of India

 Lung hi ha a seh tura siam a ni lo, Buhfai(Chaw) erawh ha seh(thial)tur a ni thung,mahse chaw ei laia lungte alo aem chuan kan duh vang reng pawh nilo in lung an seh palh thin,chutiang chiah chuan ringtu zawng zawng te hian sual thu a awm kan duh lo a ni,naimahse kan duh vang reng pawh ni lo in sual hi a in thup thiam em avang in athu  kan lo zawm leh palh thin.
                  Mahse ti hian ngaihtuah teh ang,lung i seh palh khan i seh a ni tih i hriat veleh i chhakchuak mai thin ani lawm ni? Eng emaw vang a sual kang ilo zawh anih chuan, sual kawng i zawh a ni tih i hria a nih chuan chu kawng chu hawi san mai rawh, lungte chu i pum tan,i taksa tan a thalo a chutiang chiah chuan sual kawng zawh chu i thlarau tan i nunna atan a thalo bawk.I hringnun hmanlai kha tuktin par ag mai a vul lai ni reilo, tiauchhum he khawvel ah alo lang a,darkar reilo te a boral leh ta ang mai a hnuk tawi alo nita si a.
                 He khawvel nunrawng ta hi ila chhuah san anga chutih hun ah chuan i sulhnu leh i thiltih ten hriatreng an hlawh tawh lo ang.Mahse Lalpa duhzawng i tih a,a kawng i zawh anih chuan i sakruang chu piallei ah zalh tawh mahse i thiltha tih chuan mite nun ah thu ala sawi zel ang.

                    Entirnan Tirhkoh Paula leh Dema te hi han la chuak lawk ila, Tirhkohte bu kan en chuan Paula chuan Lalpa kawng azawh ral thaka,tichuan a thih hnu pawh in mite nunah a thil lo tih chuan thu ala sawi zel a,mi tamtak ala ti harh a,mite ngaihsan ala ni chhunzawm zel a ni.Dema ve thung chuan he khawvel hi a thlakhlelh avang in kawng sual chu a thlang a,tun thleng in mite nunah athi a,aral ta a ni.Khaw kawng nge i zawh mek le? Lalpan Hruai che rawh se.   

I RAWNGBAWLNA KHA HLEN RAWH -Upa B.Biakliana Chairman, C.E.C Edenthar Kohhran.

He fuihna tawngkam mawi tak, Tirhkoh Paulan a nau Timothea hnen a, a sawi hi a pawimawh hle a ni ang.Thuhriltu tamtak in an sawi leh an lo puan tawh thin a nia. Kei ni pawh in kan hria in kan ngaithla hnem hle tawh in ka ring.
          Timothea a hi tirhkoh Paula hian chanchintha a hrilhna ah hian a hruai zin ber ania,thu a chah hnem a,a fuih bawk a.Tuna Bible chang kan han tarlan hma lam kan han en pawh hian Tirhkoh Paula hian Timothea hi awm dan turte a hrilh in a hnathawh tur tamtak a hrilh zel a, chu mi hnu ah chuan a rawngbawlna chu bansan mai lo a,a tawp thleng a hlen chhuak tur in thurawn a pe ani.
               
  Awle,he thurawn hi rawngbawltu te tan hian a va pawimawh tak em.

       Christian ram ah hian kohhran tamtak a awm angin rawngbawltu mi piangthar tawh tamtak kan awm bawk a. Pathian tan a tha hnem ngai taka rawnglo bawl tawh thin, thu sawi pawh thiam tak tak mahse, a tawp thleng silova khawvel sual a tluk san leh ta te tam tak kan awm ani.
                                  Chu vang chuan Tirhkoh Paula pawh hian Timothea  hi chutiang din hmun ah chuan a ding ang tih a hlau hle a ni.

        Keini rawngbawltu in ti te hian rawngbawlna chi hrang hrang thilpek ani emaw,thu sawi a ni emaw, hnathawh kawng ah a ni emaw, thahnem ngai thin hle mah ila duhtawk chin kan neih a,kan rawngbawlna a tawp kan thlen loh a kan hlen lo a nih chuan  kan rawngbawlna khan awmzia a nei lo a nga,kan thinlung leh ngaihtuahna ah awm zia a nei lo ang.

           A tawp thleng a rawngbawltu ni a, kan rawngbawlna kan hlen theih na tur chuan Pathian tan a mi rinawm kan nih a ngai.

        “Thih thleng in rinawm in lo awm rawh, tichuan Nunna lallukhum ka pe ang che” tih Bible a kan hmuh ang a kan awm loh chuan Pathian in kan tan a nunna lallukhum a buatsaih hi kan ch``angthei dawn lo a ni.

                   A tawp ber a tan chuan  kan thlen chin a hma kan sawn zel theih nan, kan rawngbawlna hna a tawp kan thlen theih nan LALPAN  malsawm rawh se. 

PUITLING SUNDAY SCHOOL ZIR TAN ANI DAWN

Vawiin Dt 1.2.2015(sunday) chawhma inkhawm atang in Puitling Sunday School zur tan tawh tur ani a,pawl thum ah inthen tUr ani, hetah hian Sunday School hming ziah luhna neih nghal tur ani.Kum tawp ah Sunday school kal tha Pakhat na atanga Pathum na thleng lawmman siam ani ang. Puitling Sundy School a kal thei chin chu hming ziak lut vek turin kan in ngen a ni.
          Tin zirlai bu pawh lei theih nghal ani a, hming ziak tawh chin chuan neih vek nise, a man hi bu khat Rs 50 (Sawmnga) ania, CEC Chairman Upa B Biakliana hnen ah lei theih in aw awm bawk e....

1st Feb, 2015 editorial

                                I RAWENGBAWLNA KHA HLEN RAWH

Min ngen lo a,min sawm lova, thupek ani zawk,lalpan nang leh kei hi kan rawngbawlna,a lian emaw a te emaw eng ang pawh kan theihtawp chuah a hlen tur in min phut ani mai lova,thu min pe ani tih i hrethar leh ang u.Tichuan a nin nunna lallukhum nen amin lo hmuah a tiam a,min tiamtu Lalpa hi a rintlaka a daw ve ngai lo.
chanchintha hril a rawngbawl tur hian ka tling love iti em,ka fing ve silo a,nihna leh chan vo pawh engmah ka chelh bawk si lo a iti em?Ka sual in keimah ah thlarau hnathawh engmah a awm bawk silo iti ani maw,a dik chiah ani.Lal rawngbawl tur hian nang,kei leh tungchho a kal mihring lopiang chhuak tawh tling zo kan awm lo asin.
Nimahsela Pathian chuan a mi hmangaihna chu faktlakin a lan tir zel a,kan tlin kan fel vang ni hauh loin a khawngaihna avang chauh in angel ten a rawngbawl sak ning lo mahse kan kovah a nghat ta.
            Min ngen lo a,min sawm lova, thupek ani zawk,lalpan nang leh kei hi kan rawngbawlna,a lian emaw a te emaw eng ang pawh kan theihtawp chuah a hlen tur in min phut ani mai lova,thu min pe ani tih i hrethar leh ang u.Tichuan a nin nunna lallukhum nen amin lo hmuah a tiam a,min tiamtu Lalpa hi a rintlaka a daw ve ngai lo.
chanchintha hril a rawngbawl tur hian ka tling love iti em,ka fing ve silo a,nihna leh chan vo pawh engmah ka chelh bawk si lo a iti em?Ka sual in keimah ah thlarau hnathawh engmah a awm bawk silo iti ani maw,a dik chiah ani.Lal rawngbawl tur hian nang,kei leh tungchho a kal mihring lopiang chhuak tawh tling zo kan awm lo asin.
Nimahsela Pathian chuan a mi hmangaihna chu faktlakin a lan tir zel a,kan tlin kan fel vang ni hauh loin a khawngaihna avang chauh in angel ten a rawngbawl sak ning lo mahse kan kovah a nghat ta.
          I rawngbawlna kha hlen rawh, Lalpa in i rawngbawl na tur a, a chhawp chhuah sak che hi a hreawm emaw, a harsa emaw,a nuam emaw pawh ni rawh se, i theih ang ang in LALPA tan ke pen la,i rawngbawlna tura a chhawp sak chu  hlen la,ti chuan ani in i hna te leh i tihtur zawng zawng te chu a lo tih sak ang che.

HRUAITU MOSIA Upa C Lalchungnunga

“Tin,Lalpa chuan  Aigupta rama ka mi awmte chu an hreawm zia ka hmu reng asin, an mah ni vengtu te avang an  authawm te chu ka hria a, an lungngaihna te chu ka hre reng asin.” Exodus 3:7
                Aigupta sal tang kan nih na ata Lalpan min la chhuak ta a,Lapa chu8 fakin awm rawh se,AMEN”.Tichuan Aigupta ram ah chuan sal tang kan nia,tah chuan sal an awma a chung ah hotu an awm leh bawk a,tichuan hotuten titur a min tih apiang  mai chu a lo ngai ta vek a,zawm loh chuan action hrang hrang a rem apiang in min hrem thin  ni.
Chu tih lai tak chuan Lalpa AW  a lo thleng a,chu ti lo pawh nise, “Aw lalber i pathian te rawng chu kan bawl dawn lo a,i rangkachak milim din pawh chu chibai kan buk hek lo ang tih hi hria ang che” an tia Daniel 3:18”,tih hi he chhandamna kohhran din tul nia hre tu te leh a mipui te thing lung ah a lo lut ta a.Tichuan he kohhran hi a lo piang ta a,a kal zelna tur ah hian Aigupta ram a hotu lal tak mai chuan tuipui sen chu a kan ve loh avang in hruai tu Mosia chauh a lo piang ta.
Tichuan he kohhran ah hian hotu te anlo bo ta a,hruaitu chiah an awm thei ta a.He kohhran a hruaitu Upa te,nuho hruaitu leh thalai hruaitu te zawng zawng .Khaile hotu nih chuan mipui te hnung ah emaw ,an  rual ah emaw kal ta la a in hmeh hle ang,nimahsela maw hruaitu nih chuan mipui hnung ah emaw mipui rual a kal a in hmeh tawh lo.Mipui hma tawng sanghnih (2000) a kan kal chauh in hotu ni lo in hruaitu chu kan lo ni tawh zawk ang.
            Tichuan Mosia leh Aron-a chu Israel-a thlah mipui pung khawm ho zawng zawng hna ah chuan an bawkkhupa(Number 14:5) hruaitu te a tul dan a zir in mipui hma ah pawh tlawmtak in kan in phahhniam ve ngam dawn em?He taksa ngei a thawhchuah a tul a,hruaitu Mosia tan chuan Ni sa mah se,Ruah pawh sur mah sela hahthlak eng ang mah se, zah thlak eng ag mah se a tul a nih phawt chuan LALPA tan eng pawh huam in Jerusalem-a phuar chang ni lo in,thih pawh kan in huam dawn lom ni?Tichuan Lalpa tan a pasal tha hruaitu ropui leh thil ti thei Mosia kan lo ni ve thei ang.
                         LALPAN MALSAWM CHE U RAWH SE
               

                                                                           AMEN

LEILAWN -Lalramengmawia speaker SAC

“Tin, mumang anei a, ngaiteh, lei chungah hian leilawn  alo indawh a,a chhip chuan van athleng a” Gen 28:12
             Kumtin a hunbi a thleng thin Thlasik khawvawt chuan, ringtu leh ringlo tu angkhat in mim hmer khawm vek zel a, anmahni hun theuh zel ah heng thlasik, fur leh nipui te hi rawn chhuak in siamtun a dahna theuh ah, phunlo leh vuilo in an hna an thawk mai thin ani.
                Awle, nang leh kei hi, Lalpan eng nive turin nge he khawvel ah hian min dah le, sawi tur tamtak aawm thei ang, mahse pakhat chauh sawilang ta ila, ringtu te hi leilawn ni turin Lalpan min dah ani. Leilawn chu kan rap a, kan ban phak loh ban nan kan hmang a, engchen pawh rap mah ila, a phun ngailova, atuar mai thin ani, chutiang chiah chuan nang leh kei pawh hi,Krista hnen ah mite an thlen phak nan chuan sawi chhiat, tih hreawm leh nek sawr kan tawk fo dawn ani, phun lo leh ang lo a, kan tawrh hram hram chuan mi tamtak krista ban phalo ten anlo ban pha tawh ang.Leilawn ini tih in hria la, mite banphak in awm la, indah sang ngai suh,tichuan Lalpan a chawisang ang che
         “Lalpan malsawm che rawh se” 

Kum 2015 atan CEC Hruaitute thlan fel a ni

Edenthar Chhandamna kohhran hruaitu te, tun Pathianni kalta khan thlan na neih a ni a, he tah hian chhungtin a tang in chhungkaw aiawh pakhat theuh kal khawm chuan he tiang hian CEC hruaitu te thlan a ni.

Chairman : Upa B Biakliana
Vice Chairman : Upa F Ralzinga
Secretary : Upa C Lalrinmawia
Asst Secretary : Upa Laibata
Treasurer : Upa R Vanlalhluna
Fin Secretary : Upa H Vanlalneiha

EDITORIAL BOARD 2015

Editor        : Lalparmawia
Ph  No.         : 8257899684
Joint Editor    :T Lalremruata                  
News Editor : Vanlalawmpuia
         Malsawmtluanga
         Lalchhanhima
         H Zorinpuii
Cir.Manager    : Lalpeklawma

KUM 2015 STP HRUAITUTE

LEADER                 Dominic Lalrotluanga

Asst Leader             Lalnunsanga

Secretary                Lalpeklawma

Asst Sec                 Malsawmtluanga

Treasurer                Lalenkawli

Fin Secretary            Lalduhsaki

THU FING 75

1. A dik a ni tih hre chunga tih si loh hi dawizepna tenawm ber a ni.
2. A hun taka tawng chuh leh a hun taka ngawih chuh hi mifingte mize ropui ber a ni.
3. A nuam apiang umtu chuan a hreawm pawh a umpha thuai thin.
4. Beiseina nei tlem mi chuan hlawhtlinna pawh a nei tlem thin.
5. Beiseina chuan nun hlimna thahrui min pe chang ni lovin, tuarna rapthlak tuar chhuah theihna thahrui pawh min pe tel nghal a ni.

6. Buaina hi kal kiansan mai tur a ni lova, kan tifel mai zawk tur a ni.
7. Chawimawina lawmtu chuan dikna a lawm lo.
8. Chhia zawng zawngah rilru chhia hi a chhe ber a ni.
9. Chhiahhlawh thar apiang an taima thin.
10. Dawhtheih lohna thil te tak te avangin ngaihtuahna ropui tak tak a chhiat phah thin.
11. Dawizep tan hmun ralmuang a awm lo angin, huaisen tan hmun hlauhawm a awm lo.
12. Dodal loh hi a ruka intanpuina chi khat a ni.
13. Engkim thiam a tha a, amaherawhchu engkimah thiamna hman kher a tha lo.
14. Englai pawha inring rengte hi, englai pawha mahni tihtur dik tak titute an ni.
15. Eng tawh phawt chuan hlimthla a nei zel thin.
16. Fa sual neih i duh chuan an thu zawm fo rawh.
17. Fin i duh tak tak chuan intifing suh.
18. Finna leh atna hi thup theih an ni lo.
19. Ngawih hun hriat loh hi thusawi hlutna hloh tirtu a ni.
20. Ngaihtuahna tha i neih chuan hna thawk nghal rawh.
21. Nghaktu chuan a nghaha chu a hre tur a ni.
22. Hlau chung leh zak chunga tih tur tih hi mi huaisen berte tih dan a ni.
23. Hlauh tur leh hlauh loh tur hriat hi huaisenna a ni.
24. Hmangaihnain finna a pe a, finnain rinawmna a pe thin.
25. Hmun ruak leh rilru ruakah dan naranin bawlhhlawh an paih duh hle.
26. Hna harsa i hmaa a awmin zam suh, i thawh zawh hunah i puitlin zia tilangtu a ni dawn si a.
27. Hnathawk peih lo mi chuan a hmanruate a mawhchhiat thin.
28. Hotu dik tak chuan a hote dik lohna mawh zawng zawng a phur ngam a ni.
29. Hreawm leh nuam hre lova kum sang dam aiin hreawm leh nuam hriaa nikhat chauh dam pawh a thlan awm zawk.
30. Hruaitu tha chuan a ai awh tur a chher chhuak thuai thin.
31. Hun kal tawha hlimna chu tuna tan hreawmna mai a ni.
32. I duh anga mi zawng zawng awm chu duh suh.
33. I lung tilengtu ber chu i lunglen tirehtu tur ber a ni.
34. Inneih hma chuan meng zau hle la, inneih hnuah chuan meng zim tawh rawh.
35. Inhnialna tha hi mi thinlung tihharh nan damdawi tha tak a ni.
36. I thinur man engzatnge chhut fo rawh.
37. I thiltih apiangah rintlak nih tum tlat rawh.
38. I nupui chu a rukin zilh la, midang hriatah chuan fak rawh.
39. I thianin thian dang a nei tih hriain sawi chin neih a tha.
40. I vanglai hun i hman that leh that loh a zirin mi khawngaihthlak tak emaw mi awhawm tak emaw i ni ngei dawn a ni.
41. Ka tangkai bik titu chuan a tangkai lohna a hre lo a ni.
42. Ka duh ka tih nazawngah chuan ka duh leh loh tur hi tam tak a awm.
43. Kan taksa aiin kan rilruin thil a phur rit thei zawk.
44. Kan induhtawk lohna hi mahni leh mahni kan in hremna theuh a ni.
45. Khawvela uiawm loh ber leh uiawm ber chu tawngkam hi a ni.
46. Khawvela hriat harsa ber chu a tawk hriat hi a ni.
47. Khawvela tawi ber leh seiber chu hun hi a ni.
48. Lainatna neilo mi chu sakei kawlh ai pawhin a hlauhawm zawk.
49. Lei batu aiin battirtuin hriatrengna a nei tha zawk.
50. Mahni pawimawhna chin hriat hi mi pawimawh nihna a ni.
51. Mahni hnam chanchin hriat chian hi mahni inhriatchianna a ni.
52. Mi a pawh a ngawihreng chuan mifing anga ngaih a ni a, mifing pawh a ngawih reng chuan mi a anga ngaih a ni.
53. Mi depde depdetna chu a khat tawkin dumde angin a de zeuh zeuh.
54. Mi ler leh laiking chuan ze tinreng a chhuah thin.
55. Mi tam ber retheihna chhan chu pawisa lak luh thiam loh vang ni lovin, a hman dan thiam loh vang a ni.
56. Mite rilru nawm lohna hi pawi tham lova kan ngaih tawngkam khat vangte a ni.
57. Mitin hnena zirtur awm chu zir zel rawh.
58. Nitin i sual – (paih) la, Thianghlimna + (belh) la, Hmangaihna x (puntir) la, Chanchintha -:- (sem) rawh.
59. Nung turin ei la, ei tur chauh erawh chuan nung suh.
60. Nun hlui ngaia kun ngawih ngawihte hi tun huna nun kawng hlohtute an ni duh hle.
61. Phut nei chung renga mi chunga thate hi mi sual ze thup thiamte awm dan a ni.
62. Rinawmna hi hmangaihna tilang fiahtu ber a ni.
63. Sawisel kai lova hna thawk i nih chuan hna i la thawk tak tak lo a ni.
64. Sual kan intih thinna aiin tha kan intihna hi siam that a ngai zawk.
65. Tawngkam tha hi hnehna kawng khat a ni a, ngawih hi hnehna kawng dang a ni.
66. Tawngkam hi mihring mize zawnawlna a ni.
67. Thatrukna chi khat tal nei lovin a awm theih lohva, chu that rukna chu mi tinin an hmu thei kher lo thung.
68. Thil zawng zawng hre chiangtu nih aiin mahni inhriatchian a pawimawh zawk.
69. Tih tur tih loh hi tih loh tur tihna a ni.
70. Tlan chhe ngam tur khawpa huaisenna i la nei lo anih chuan i huai tak tak lo.
71. Ui a sual hmang ui fing chuan a at phah thin.
72. Uikawm chuan tuma hriatpui loh hreawm a tuar thin.
73. Vawikhatmah la tih ngai loh thil chu a zawngchhang theih loh.
74. Vawikhat i thinrimna i tihkian khan ni za chhunga i rilru hahna tur a tikiang.
75. Zungawlvei pawh hian a makpa atan chuan zu in lo bawk a ni a duh ve tho ni.

THUFING A-Z

A

An harsatna te hre turin midangte nen in chenho a ngai a, chutiang bawkin chung harsatna te chingfel tur chuan P-thian nena inpawl dun tur a ni.

A tira Mifingten an tih chu Mi a ten a tawpah an ti ve thin.

A hre tam a piangin an sawi tlem thin.

A hun taka ngawih chuh hi mi hneh taka thusawi theihna pakhat chu a ni. (Mark Helpin)

Awm nawmna leh nawmsakbawlna hi kan nuna pawimawh ber angin kan ngai fo mai a, a dik tak chuan kan nun hlimna atana kan mamawh ber chu thil eng emaw phur tak leh chak taka min awmtir theitu chu a ni zawk a ni. (Charles Kingsley)

A theih loh ti a thuthlukna kan siam mai thin te hi, tih chhin loh vang a ni duh khawp mai. (Jim Goodwin)

A taka ka lo tawn na chuan hei hi min hriat tir "Thudik lo leh tharum thawhna hian thil tha a tluantling leh nghet a  thlen lo  a ni." tih hi. (Mahatma Gandhi)

A taka hriatna hi Sikul tha takah chauh a ni. Mahse a zirman a to. (Heiorah Heine)

A fate chung a lawmna hmu mi chu mi hlim a ni.

A tul bak aia fin chu tha lo  a ni. (Quinatt)

A dam lai ngei a, Pangpar bawr tlawmte i pek chu, a thih hnua Rose mawitak leh to tak a kuanga i dah ai chuan a tha zawk.

A eng zawng a thlir tur in Rose par a hmuh laiin, a thim zawng a thlir tu chuan a hling chauh a hmu thin.

A manah chuan min bum mahla, a thil ah erawh chuan min bum suh.

A dik lohna hmuhchhuah aiin a tih that leh dan tur hmuh chhuah tum zawk rawh.

A taka hriat chianna hi eng dang nilovin, i tihsual leh dawna a sual a ni e tia a hrilhtu che a ni.

A hmasain chhiahhlawh nih zir phawt la, ti chuan hotu nih i tling thei ang.

B

Beram thatchhia chuan a hmul pawh rit a ti.

Beidawnna hi mi tiphurtu atan zawka hman tur a ni.

Buainaa luh awlsamna ber chu a hun lova diknaah hian a ni.

Buaina siam nasa bertu chu lei hi  a ni.

Bible -Tanakh chhiar hi lehkhathiamna a ni.

Beseina hi chhum ang a ni a, a then chu an kal liam mai a, a then erawh chuan ruah an pai.

C

Chimawmna siamtu nasa ber chu mihring lei hi a ni.

Chawhmeh tha ber chu riltamna a ni.

Chanchin kal tawh chuan thil min hriat chhuahtir leh thei a, min kaihhruai thei a, min zilh thei a. Amaherawhchu chechang thei lovin min siam tur a ni lo.

Chemte tha thir chhia atanga siam a awm ngailo.

Chirhdiaka tluk chu a zahthlak lova, chuta awm reng erawh chu a zahthlak a a ni.

Chhun hian mit a nei a, zan hian beng a nei.

Cheng sangkhat a tanga pawisa pakhat i lak hran chuan cheng 1000 a tling tawh lo vang.

Chhia leh tha hriatna hi nun zawm zia kawhhmuhtu famkim chu a ni. (Karl Bath)

Chhang eizawh tawh chu theihnghilh a ni chawk.

D

Duhthusam a dam chhung nun hman hi thil lungchhiat tak a tling awm e.

Dan tha a tangkaina awm tawh lo khawpa hman rei chu eng dang ni lovin puithuna atthlakah a chang tawh thin. (Jinarajadasa)

Dawizepna hi thlemna laka inhum himana a ni. (Mark Twain)

Duhna atangin thinrimna a lo piang. (Gita)

Dan tha chuan thil dij tih a ti awlsam a, chutiang bawkin thil dik lo tih a ti harsa a ni. (Gladstone)

Daltu awm hauh lohna kawng i hmuh theih chuan, chu chuan khawimah a thlen lo mai thei che a ni. (Frank Clark)

Dik taka awm ai chuan sawisel hmang nih a awl zawk daih. (Disraeli)

Dan hian thihna ang bawkin tumah a zuah tur a ni lo. (Montesquel)

Dan thu hian amah ngawtin tu thinlung mah a ti danglam thei lo. Tihluihnain tumah mi thaah siam theih an ni lo. (Jay Prakash Narain)

Damdawi a zawnga damdawi tha ber chu chawlh hahdam leh chawnghei a ni.

Dan naranin thuthiam zung zung mi chu a tiha tih lamah an tuan a fum. (Ch. Spurgeon)

Dam rei ringawt aiin nun that duhzawk tur a ni, (Benjamin Franklin)

Dan siam hnem lutuk hian dan pawisak loh na a thlen thin.

Dam rei chu mi tin duh leh chak a ni a, mahse thatak a nun chu mi tlemte chuah tum a ni. (John Huges)

E

En tawn tlak a nun hi, thusawi tha ber a ni.

Eng chiang lovin engmah in suh la, chutiang bawkin chhiar hmasa lovin i hming ziah hnan suh. (Spain Thufing)

Exam hi inpuahchahna tha ber ber tan pawh a hlauhawm a ni. A chhan chu Mi'a ber pawhin Mifing ber berte chhan theih loh khawp zawhna a zat thei si a. (Charles Caleb Colton)

Engkim mai hi Tu emaw chung a a thlen chuan thil nuihzatthlak a ni.

Engkim kan tihah hian kan tihchhan leh vang hian thu a sawi ber chu  a ni.

Eng hnamzia mah hi amah chauha inlak hran a tum chuan a nung zo ngai lovang. (Mahatma Gandhi)

Eng sipai chakna mahin ngaihdan chakna a hun lo thleng tawh chu a dang zo lo  a ni. (Victor Phillips)

Eng pakhatin a dang a tih en hian a eng a chuai chuang lo.

Engkim hi P-thianah a innghat a ni tiin tawngtai la, engkim hi nangmahah a innghat a ni tiin hna thawk bawk rawh.

Engkim bul chu dawhtheihna a ni. Arnote keu tu chuan awptir a ngai a, vuak keh mai a ni lo. (Arnold Glasow)

Eng nge i buaipui min hrilh la, eng ang mi nge i nih ka hrilh ang che, (Goethe)

Eng ang thlahtute nge kan neih tih ai chuan kan thlahtute hian eng ang thlah nge an neih tih chu a pawimawh zawk a ni.

Eng ang mi nge i nih chhoh zel tih chu i hlawhtlinna aiin a pawimawih zawk a ni.

F

Finna leh mawhphurna pawchhuak tur chuan mawhphurna hriat hmasak a ngai.

Fimkhurna hi finna fa upa ber a ni. (Victor Hugo)

Fak derna hi pawsa lem ang a ni a, kan chapo avanga kan hman kual theih chu  ani.

Finna sang kan tih hi eng ang ni lovin thil khirhkhan mawl tea dah thiamna chu  a ni. (C.W.Ceram)

Finna chu midangte tihsual atangin zir rawh.

Finna tam zawk chu thu tlem ber berah a ni a awm ni.(Sophocles)

Fak derna finthlak ber chumi tawngtir reng a, lo ngaihthlak chu  a ni. (Addison)

Famkimna hi zawi tea lo kal,hunin a kuta a rawn ken chu a ni. (Voltaire)

Famkimna hi thil danglam bik tak tihnaah a awm lova. Thil naran tha chungchuang taka tihnaah a awm zawk a ni. Engmah hi ngaihthah lo la, thil te ber bera langte pawh P-thian hminga tih ni rawh se. (Angelique Arnauld)

Fakna hian Mitha a ti tha zual a, Mithalo a ti tha lo zual.

Famkimna chu thil te tham te te a siam a ni a, mahse famkimna chu thil te than a ni lo. (Michael Angelo)

Finna chu hriatna ngun taka hisapnain a tuaihriam chu a ni.

Finna lan chhuahtirtu tha ber chu miin a ma dik lohna leh tihsualna a hriat chhuahna chu a ni. (La Rouche Faucald)

Fiamthu hi inkawmna ti tui tu a ni.

Finna tha ber chu dan naranin tumruh tlatna hi a ni. (Napeleon)

Finna aiin ngilneihna a pawimawh zawk a. Hemi hriat hi finna intanna chu a ni.

Finna chu a tharin a zangkhai reng a, hriatna erawh a thingin a rit ang.

Finna chu thil tih tur hriat a ni a; themthiamna chu a tih dan tur hriat a ni a; felna chu a tiha tih chu a ni.

H

Hmasawnna atana harsatna leh hun khirhkhan tak lo piang thinte hi hmun dang atanga chhuak nilovin keimahni atangin a ni thin.

Hun khirhkhan kan tawh mek laia, thudik sawi thei turin huaisenna a pawimawh hle thin.

Hlauhna chhete pawh nise huaisen tak a i rah ngam phawt chuan rahbi dang rah zel ngamna a pe ang che.

Huaisenna leh chhelna tlachhamtu chuan midang a tanpui thei ngai lovang.

Hlauhna hi thil dik lo thian hnai tak a nih angin thil dik chu hlauh lohna thian hnai tak a ni.

Hruaitu tha chuan mi sawisel a phu aia tam a la ngam a, chutiang bawkin mi fak pawh a phu aia tlem a la ngam.

Hlawhchhamnain a entir chu eng dang ni lovin hlawhtlin tumna a lachak tawk lo a ni tih hi. (Bovee)

Hman lai sualna te chu an thi bo ta emaw kan ti a ni ang e. Thin a hnekin kan tun lai thinlung thim kilah an la bawk phekin eng hunah pawh a zuang chat thei turin a inring reng a ni. (Carl Jung)

Hlauhawm lo hmuh lawk chu a chanve pumpelh tluk a ni.

Hmunphiah thar chuan a phiat fai tha.

Hmeichhe chakna chu a leiah a awm.

Hausakna khawlkhawmna hian hriselna a ti chhia.

Hruaitu chuan a hote chu thu mai ni lovin thil tihin a ti phur thin.

Hlimns dik chu chhungril atanga hriat hmasak a ni.

Hlau lo phawt la, ti chuan chakna te chuan an rawn pui ang che.

Hawihhawmna hian man a neilo nain engkim hi a lei thei a ni.

Hmelma rawn beitu che chu hlau lo la, i thian fakdertu che chu hlau zawk rawh.

Harsatna tam zawk hi thatchhiatna in a hrin chhuah a ni. (Samuel Johnson)

Hausa ber berte hi hlim turah ruat suh. Buaina nei tlem ber berte chu ruat zawk rawh. (Applodoms)

Hmai hi rilru lanchhuahna darthlalang a ni a; mit hian thu sawi lovin thinlung thuruk a puang chhuak. (Saint Jerome)

Hna ropui chu chakna nena thawh a ni lova, dawhtheihna nena thawh a ni zawk. (Samuel Johnson)

Hriselna leh hliman hi an in hring tawn ve ve a ni. (Addison)

Hlimna hi a tawna tawn leh chan theih chi a ni lova, nun dan phung tur a ni zawk. (Burton Hill)

Hmanhmawh taka lawn te chu tlak thutna n a  nangching thin.

Harsatna tawk lo chuan a ma chakzia pawh a hrelo a ni. (Francis Bacon)

Hlimns nasa takin a tuam lai chein tuma hnenah thi tiam suh. Chutiang bawkin i thinrim zual laiin tuma lehkhatawn chhang suh. (China Thufing)

Hriat lohna hi hlauhna chi hrang hramh to bul a ni a. Rilru varna chuan hlauhna chu a hnawt bo a ni.

Hmun him hla tawk atang chuan huaisen a awl.

Hman loh avanga thil tuiek ang hian awm mai maina hian kan ngaihtuahna pawh a tichhia a ni. (Leonardo Da Vinci)

Hriatna chu midangte atanga i zir a ni a a. Finna erawh chu nangmah i inzirtir chu a ni.

Hriatna hi dah ngawt chuan atangkai lova. Midangten an tawm ve chuan a hlawk a ni.

Hriatna chuan a huikhawm a, hriat lohna chuan a tidarh.

Hruaitu nih hi that viau ringawt a ni lo. Dik leh chaka awm a ni zawk. (Paul Keeting)

"He inchhungah hian mi rinawm leh mifingte chuahvin rorel rawh se." (John Adams-a'n White House a  sawichhuah)

Hausakna engzat mahin nungchang pachhiatna a chhandam thei lo.

Hausakna zawng zawnga tha ber leh pawimawh ber chu thiamnaa hausak hi a ni.

Hnathawh lai nuam ti taka thawhna hian hnathawhah famkimna a thlen a ni.

Hlimns tak tak chu mi dang tih hlimnaah a awm a ni. (Maher Baba)

Hausakna leh hlimna hian inlaichinna an neilo.

Hlawhtlinna hi a kum hlum lova, chutiang bawkin hlawhchhamna pawh a ni.

Hlim tkaa nun dan kawng awlsam ber chu rinawm taka nun hi a ni.

Hun khawhral chu nun tlakralna a ni.

Hriatreng theihna neihna chu rilru baka ngaihpawimawhna pek a ni. ( Dr. Johnson)

Hlawhchham lohna kawng tha ber chu hlawhtlin tum tlatna chu a ni. (Sheridan)

Hmeiche hmelchhia an awm hranpa lo. Lan mawi dan thiam lo erawh chu an awm. (La Brayer)

Hlasak duh tak tak te chuan sak tur an hmu zel ang. (Swedish Thufing)

Hei chauh hi ka hria, engmah ka hre lo tih hi. (Socrates)

I

Inhnialna chuan thinchhiat a ti lang a, sawihona chuan thil nih theih dan a tarlang a ni. (Shiv Khera)

I chakna i thunun loh chuan nangmah a thunun ang che . (Horace)

I thawh hahzia aiin eng zat nge u chinfek min hrilh zawk rawh. (J. Ling)

Itsikna hi mahni inngaihhniamna dik tak a ni. (Victor Hugo)

Inzirtirna chu sikulah a tawp a, zirna erawh chu nunah a tawp a ni. (Robertson)

I dikna te, i hausakna te leh i zalenna te chu thuneihna leina atan hralh suh. (Benjamin  Franklin)

Intluktlanna that lohna ber chu kan aia chungnung zawhah te a hman kan tum tlat hi a ni. (Henry Begue)

I nuna kum belh aia pawimawh zawk chu i kuma nun belh chu a ni. (Alexis Carrel)

Inzahder tawnna chuan mihring leh mihring inkar dinhmun a chingfel a, amaherawh chu a zaha inzah tak takna chu a chuangtlaia pawisa pek ang a ni. (Tagore)

K

Kum 18-ah chuan kan thil hriat te chu a tlanga chuang angin thil thlir nan kan hmang a. Kum 45-ah erawh chuan bihrukna atan pukah kan hmang thuang a ni. (F.Scott Fitgerald)

Kan hriselna atan damdawi a teha tehin kan ei a. Chutiang bawk chuan chaw pawh hi ei ila a va tha dawn em! (Skelton)

Ka nunah vawihnih chiah chhiatna ka tawk. A hmasa chu thubuai ka hneh lohin a ni a, a dawt chu ka hnehin  ani. (Voltaire, 1694-1778)

Ka kal zawi hle nain hnunglam zawng chuan ka kal ngai lo. (Avraham Lincoln)

Khuarel kan tih hi thil lo awm a awmtirtu P-thian ni si sawina mai a ni.

Kan mithite hi kan theihnghilh hma chuan an thi lo  a ni.

Kan nun hi kan ngaihtuahna leh kan thil tihina a siam chu a ni.

Khawlaia naupang tawng dan chu a nu leh pa tawng dan chu a ni. (Talmud)

Khawvela thil tha ber chu mawlna hi  a ni. A dawt chu inngaihtlawmna. (C.K. Chesterton)

Kan benga kan hriat chu kan theihnghilh a, kan mita kan hmuh chu kan hrereng a. A tiha kan tih chu kan hria a ni. (Confucius)

L

Lehkhabu tiankhawm chu zirna sang (University) chu a ni ber mai! (Carlyle)

Lehkhathiamna tak tak chu mahni kea mi dintir theithu chu a ni. (Swami Vivekananda)

Lehkhabu tha lo anga rukru sual a awm awm love. (Italian Thufing)

Lungkhamna hian mi a hun lovah a upattir a ni.

M

Mifing chuan remchanna a hmuh aiin a siam hnem zawk ang. (Francis Bocon)

Miin finna a awn chhung chuan a fing a, hmu tawha a inhriat ve leh a hloh thin. (Talmud)

Mi'a leh naupangte nun a hlim.

Mihring tanpuitu tha hei tluk hi a awm awm love. Chu chu mawhphurna dinhmun peka chutia a chunga rinna ngah hriattir chu. (Robert T.Washington)

Mi thil te thama tuina a neih theih loh chuan thil liana a tuina chu a lem a ni ang. (John Ruskin)

Mi, zirna lama thiam sang nungchang erawh tlachham chu a thiam sanna aiin a tlakchhamnain a uairit zawk. (Latin Thufing)

Mi a dik pawha ngawi reng thei chuan P-thian a hnaih hle a ni. (CARO)

Mitdel hlir awmna ramah chuan mitkhingdel chu lal a ni.

Mi dinhmun sangah ka hlang thei, mahse P-thian chauhvin mi zahawmah a siam thei. (Cromwell)

Mi tam zawk hi chu thil lianin tibuai lo sela chu thil teah hlawhtling tur chu an ni. (Longfellow)

Mite hian an chin tha l an ngainat laiin an haw bawk a ni. (Seneca)

Mi tumah hi thenawm nei lova khawsa thei tawka hausa an awm lo. (Danih Thufing)

Midang thatna chu hre reng la, nangma thatna chu theihnghilh rawh.

N

Ngaihdan hi la lut zel la, lal cheibawl takin cheibawl la, a eng bera emaw chu lal a la ni thei asin. (Mark Vam Daren)

Ngaihno beina hi hmelthatna piah lama awm a ni. (Yiddish Thufin)

Nun sang thei ber chu khawvel pum pui nei a, mahni inphat si hi a ni. (Kalidas)

Nungchang tha chuan ama lawmman a nei.

Nihna sang saa pian ai chuan ropui taka hriat hlawh chu a tha zawk. (Ruskin)

P

P-thian'in  hun a siam a, mihringin hmanhmawh a siam. (Irish Thufing)

Pawisa a tawng chuan thudik a ngawi hlauh. (Russian Thufing)

Pawisa hi hotu rawng tak, chhiahhlawh tha tak si chu a ni.

R

Rilru liante chuan tumna an nei a, rilru te te chuan duhthusam chauh an nei. (China Thufing)

Rilru na chu taksa na aiin a tha  lo zawk. (Syrus)

Rorelna sang Parliement-a dan siam a nih avang ngawtin mipui an tha mai thei lo.

S

Suangtuahna chu ropuiin beiseina sang hel thin mahse a tak ram chantir turin huaisenna kan mamawh tho tho.

Sakhaw tel lova mi lehkha i thiamtir chuan ramhuai sual tak i siam a ni ngawt e. (Duke of Wellington)

Sakhua hi rinna mai ni lovin, awm dan phung a ni tur a ni. (S.Radhakrishnan)

Setana chu a ma bialah chuan puithiam tul tak a ni.

Sualna neih loh chu a tha e, amaherawh chu thlemna tawh hauh loh chu a tha lo a ni. (Walter Begenot)  

T

Taksa bawlhhlawh, rilru thianghlim si chu taksa thianghlim, rilru bawlhhlawh ai chuan a tha zawk.

Thu sawi chhuah loh chuan thil tha a lo thlen  ngai lo. (Charles A.Dana)

Thiltihtheihna tam tak chu huaisenna tlem te tlakchham avangin a thamral a ni. (Sydney Smith)

Tum sanna chu thil tha zawk beiseina hi a ni a; hlawhtlinna chu chumi hmuhna chu a ni.

Thinlung chhung tak atanga thu lo kal chuan thinlung dang chu a thleng ngei ang.

Thudik si, tum tha lo nena sawi chu, dawt phuahchawp tal tak ai pawhin a tha lo zawk a ni. (William Blake)

Thu-a vuak chu ngunhnam aiin a hliam na zawk a ni. (Robert Burton)

Thinurna hi thil thur, a dahna bel tana chhiatna thlen theih zawkna, a va leihbuakna aia nasa zawk chhiatna thlen thei chu a ni.

Taksa hliamna chu thinlung cheksawlhna ai chuan a theihnhilh hma theih zawk daih a ni.

Tute pawh hian an "tan" ve mai thei a, amaherawh chu mi ziktluakte chauhin a ni "zo" dawn chu ni.

Thian dik tak chu nangmah ang chiaha a bula i awm ngamna chu a ni.

Thing hian ama rah a ei ngai lova, tui hian ama tui a in ngai bawk hek lo. ( 16th Century Moghul Poet, Abdul Rahim)

Tawngkam mawi taka hnial chu bung taka phalsak ai chuan a lawmawm zawk.

Thil tihsual zep lova puan chu chanve thawidam tluk a ni.

Thil sual titu chu zalen takin manchhuah hlau hlek lovn a vak vel thei ngai lo. (Ramayan)

Thinrimna hian chhan leh vang a nei vek a, amaherawh chu chhan tha a vang hle. (Benjamin Franklin)

Tu pawh fiamthu tlachham chu midang khawngaihna hnuaia awm an ni. (William Rotsler)

Thu dik chanve chu dawt pumpuhlum a ni. (Yiddish Thufing)

Thian tak tak chuan tunge kan nih tih leh eng ang mi nge kan nih tilang chhuak turin min chhuah zalen a ni. (Chenstone)

Tu pawh thil zir chhunzawm zel lo chu a upa a ni, kum 20 mi kan ni emaw kum 80 mi kan ni emaw a lem chuang lo. Tu pawh thil zir reng mi chu a naupang thin. Kan nuna thil ropui ber  chu rilru dah naupan hi a ni. (Henry Ford)

Thinrimna hian thinlung khawnvar a chhem mit.

Thufing hi tawngkam tawi tea hun rei tak chhunga thil lo hriat tawh sawi chuahna chu a ni.

Thinrim hi reilo te chhung at na a ni.(Horrace)

Thinrim pa chuan, dam lai Meidil a tem a ni.

Tangrual hlawhtling chu kut tam tak nei, thinlung pakhat neite an ni. (Bill Bethel)

Thusawi atangin thupui hlapui zam a ni. Thusawi atang bawkin siam thatna thawh a ni a, thil dik lo tih that a ni. Thusawi atangin sawrkar a tlu a, sawrkar thar a ding a, Thusawi atangin mipui vantlangten lehkha an thiam a, mipui rorel sawrkar venhim a ni. (Lord Ponsonby)

Thudik salah intulut la, ti chuan mi zalen i ni ang. (Arab thufing)

Tha satliah ni lovin that bikna engah emaw nei rawh. (Henn David Thoreau)

Thil awmdanin mi hmingthangte hi a duhsak khat hle; harsatna leh dalna hrang hrang su tlangin hlawhtlina kawng an sial a ni.

Thil awm danin mi chaklote chuangah ro a rel a,, mifing te chuan hamanruahah an hmang thung.

Thil awm palh leh a lo thlengte hi mihrinng thu hnuai a awm an ni lova. Nimahsela, nungchang erawh chu mihring thuhnuaia awm a ni.

Thil dik lo vawi khat i tih chuan a tawp dan tur i hre lovang.

Taimakna hi vanneihna nu a ni.

Thihna hi chawkrualtu ropui a ni.

Thina hi  kan nunna hlohna nasa ber a ni lo. Hlohna nasa ber chu kan dam lai ngeia keimahni chhunga thi lo awm hi a ni zawk.

Thina hi vanduaina zawng zawng tidamtu ropui chua  a ni. (Earnest Hemingway)

Thurawn pek chakna i neih chuan inthlahrung lovin pe zel rawh. Thurawn bara khawn loh hi khawvel dan a ni si .(P.S.)

Tuna hna pawimawh chu ti la, chuti lo chu hmanhmawh taka tih a tul  mai ang.

Thil tihsual palh hi thiltih neih hauh loh ai chuan a tha zawk.

Thian neih hi dawnfawh ang a ni a, eng vang maw? A tha pakhat hmu tur chuan pum za enchhin a ngai.

Taimakna leh themthiamna chuan tih theih loh a nei tlem hle. (Samuel Johnson)

Tihtur ropui ti thei tur chuan harsatna leh fiahna nasa kal tlang a ngaiin a lang thin. (E.Thomas)

Thuthlukna tha tak thiltihin a umzui leh tak loh chuan pawisa awmsi lova, a lakna tur lehkha pek  ang hi a ni.

Thil chin dawklak hi a tirah chuan maimawm ril mai a ni a, a hnuah thir hrui hrual. (Spanish Thufing)

Thil petu chuan a dawng a ni.

Thil diklo tih ai chuan tawrh mai a tha zawk.

Thupui chiang si lova ngaihdan chiang lo neih ngawt hi mi satliah chhinchhiahna a ni.

Thil tha i pek in hrereng suh la, thil tha i dawn in theih nghilh suh ang che.

Thil tul lo i kawl hnem chuan, thil tul kawlna tur hmun i nei lovang.

Tawng hi ngaihtuahna incheina chu a ni.

Thiamna hian mi amah leh amah a inkawmtir thei a ni.

Thurin bul hi a thu chauhva awm a ni lo. A tak taka hman a nih loh chuan engmah awmzia a neilo. (Mahatma Gandhi)

Thil engmah a dik leh dik loh chungchang rinhlelhna i neih chu ti ngai suh. (Pliny)

Thil pakhata zirtirtu tlingkhawpa i thiam chuan thil thar dangah zirtu nih i peih tur a ni. (Gerhurt Hauptman)

Thing upa chu a alh tha duh ber a, Wine pawh a hlui a piang a tui, chutiang bawkin thianhlui te an rintlak ber.

Thil lo thleng hian Mihring a tichakin a tichak lo chuang lova. Nimahsela, engang Mi nge i nih a tilang a ni.

Tum nei ren rawna nun hi Mihrng mamawh dam khawchhuahna tluka pawimawh a ni.

Tawngtaina chhan tam tak hi mahni danglam tumna aiin Khawvel tih danglam tumna a ni fo zawk. (David Wolfe)

Themthiamna hi a tiha tih atanga lo awm a ni a. Lungawina hi hna tha taka thawhna atanga lo kal a ni.

Tawrhna hi khuarel kalhmang lo dodalna rah a ni.

Thil zir, hman tangkai leh si loh hi, Mitdel tana khawnvar a tangkai loh ang hi a ni. (Panchatantra)

Thudik sawila, Kal thuai ang che. (Slovenian Thufing)

Thuneihna a san pauh leh hmansual a hlauhawm. (Edmun Burke)

Thil i hre lo a ni tih i inhriat chuan chu chu hriatna kawnga penna ropui  a ni. (Disraeli)

Thli leh tuifawn te hi lawng khalhtu thiam ber berte lamah an tang fo thin.

Tuina tilang satliah leh tui tak tak inkar chu nasa taka danglam a ni. (Michael Nichols)

Thil pahnih thup theih tawp loh chu - zu ruih leh ngaihzawng neih a ni.

Thu i sawi tam poh leh miten an hre tlam a. Thu a tlem poh leh hlawkna a tam.

Thanna chu danglamna a ni a, chuvang chuan danglam loh chu than lohna a ni.

Thil tih hriat chian si loh tluka hlauhawm a awm lo. (Goethe)

Thil duh pakhat hneh theih chu thil duh sangkhat tih hlawhtlin aiin a lawmawm daih zawk. (Buddha)

Thil tan mai theih dan ber chu a sawia sawi bansana a tiha tan mai chu a ni. (Walt Disney)

Thil pahnihin chak lohna a entir:  Chu chu thusawi a hun tura ngawih tlat te, ngawih hun tura thu sawi leh tlat te hi. (Persia Thufing)

Thu dik kha ber chu dawt thlumber aiin a tha zawk. (Nikolai Ostrousky)

Thudik chu hnialtu chak ber a ni fo. (Sophocles)

Thu dikzia chu a mawi a; chu ai chuan dik taka khawsak a tha zawk. Taksa chu tuiin a ti thianghlim a, rilru chu thudikin a ti thianghlim ve thung. (Guru Nanak)

Thil neih zawnga hlu chu mahni inthunun theihna hi a ni.

Thumal hriat tam hi lehkhathiamna kawngka chu a ni. (Wilson)

Thangthar naupang zawkte sawisel chakna i neih chuan tute tih seilen nge an nih tih hrereng ang che.

Thumal pakhat a tawk chuan pahnih hmang suh.

Thuin a tlin tawh loh hnuah hla in thu a sawi. (Hans Christian Anderson)

Thuneihnain thu asawi chuan finna chu a ngawi hlauh thin. (Russian Thufing)

Thinlung hausakna nen lo chuan sum leh pai hausakna hi kutdawh hmelchhe tak a ni.

Tuifawn i dang thei lo ang bawkin zatak a nuih chhuah i dang thei lo. Heng pahnihte hi khuarel chakna neihte zinga mi chu a ni. (W. Rotsler)

Tumahin an hmuh loh lai chea i awm dan kha - chu ngei chu a ni nangmah chu ni.

Thalaite chuan Upate hi mi a-ah an ngai a, Upate erawh chuan Thalaite chutiang a ngai mi te chu chutiang chu an ni tih an hria.

Thil ti tan turin ropui a ngai lo. Amaherawh chu ropui tur chuan i tih tan a ngai a ni.

That lai hu hi nawmnaa khat a ni a. Upat hi fimkhurnaa khah hun a ni.

U

Upa zela inngaihna hi, mi tul tak takte chuan, thil chin tha lo tan hun an nei lo angin, chutianga inngaihna hun an nei lo a ni. (Andre Mauris)

Upate chu chawimawi la, naupangte fuih la, mifingte rawn rawh.

Upat intanna chu thil zir i tum tawh loh ni atang khan a ni. (Herbert Casson)

V

Vantlang rorel him leh tha nei tur chuan sawiseltu chak tak an awm a ngai. (C.Rajagopalachari)

Vanneihna nasa tak hi sala intukluhna nasa tak a ni thei a ni.

Vanneihna hi palha lo awm a ni lo.Hah taka thawhna a ni. Vanneihna duhsakna nui hmel chu thawha thawh chhuah a ni. (Emily Dickinson)

Vanduaina tam zawk hi hun hman dik lohna avanga lo awm a ni.

Vantlang pawisa chu tui thianghlim ang a ni a. Mi tinin duhtawkin an thal.

Vantlang ngaihdan hian a ni khawtlang nun vawng thianghlima ti hrisel thei chu ni. (M.Gandhi)

Vawiin hi nimin a tuk i lungkham kha a ni tih hre reng rawh. (Dale Carnegie)

Vawiinah bei fan la, naktukah vul ang che.

Vawiina thinlungin a hriat chu naktukah lu-in a hrethiam ang. (Jame Stephenn The Crook of Gold)

Vantlang thatna atana thahnem ngaihna hi mi zahawm leh hmingtha zia a ni. Chu chuan nawmsak bawlna te, hlawkna te leh mimal hlawkna tur thil reng reng chu a luahlan tur a ni. (Steele)

Z

Zirtirtu chu nu leh pa pahnihna a ni a, nu leh pa chu zirtirtu pahnihna an ni bawk.

Zawi zawia tlang chu lawn a ni, Bungrua leh thil neih dang dang pawh zawi zawia lakkhawm an ni, Finna pawh zawi zawia zir chhoh a ni. (China thufing)

Zirtirtu ropui chu a zirtirte hnena hriatna tuh mai lova, anmahni-a tuina chawk thova anmahni pawha hriatna zawn zel chkna tuh theitu chu a ni. (W.J.Beril)

Zinga khaw mawi lo chu khaw thaah a chang thei.

Zawhte hi hriat chian theih loh ber a ni. Eng tikah nge barah a khawn hauh loh dawn che  hre thei lo.

Zawhna zawt ngam lo chuan hriat a zak a ni. (Danish Thufing)

Zan hi lungngaihna tam tak nemhultu chu a ni. (Litausch)

Zirtirtu th ni tur chuan i zirtir kha i tuizawng a ni ang a, i zirtirte kha i ngaina tur a ni.

Zirlai tuina nena zirtir a nih a, a zirtuin nuam ti taka a zir bawk chuan theihnghilh a ni ngai lo.

Zawhna reng rengah hian sir hnh a awm.

Zing dar 4- a Telephone numbar diklo dawn aia tha lo zawk chu nambar dik a ni ang tih hi a ni. (Doug Larson)

Zu- a i lungngaihna i tlakhlumtir cuan nangmah i tlahlum a ni.